(( سلمى كساب ))
**أحلام طفلة**
لما كنت صغيرة
كنت بحلم كل يوم حلم البنات
إنى أكبر وأبقى أجمل بنت فى وسط البنات
مش جميلة بالجمال
لأن ده أكيد شئ محال
يعنى أبقى فيا حاجة مميزة
مش بنت تافهة وكل همى الأزأزة
هههههههههههه أيوة الأزأزة
أزأزة لب وسودانى
وساعات كمان أزأزة حروف أغانى
أصل البنات مش كلهم حافظين أغانى
لأ فيه بنات متهمهومش فى الأغانى غير المعانى
مش أى حاجة بيسمعوها والسلام
بيعرفوا يفرقوا مابين الكلام
أنا من البنات دى
وبفتخر إنى كده
عارفة يعنى إيه سلام
وبفهم فى معانى الكلام
عارفة إيه هو دينى
وعارفة إيه هو الإيمان
شوية طقة وشوية عقلة
وشوية ببكى وشوية فرحانة وسعيدة
وبحلم أنا أحلام بعيدة
لاكنى عارفة أصول حياتى
وعمللها سيستم مابغيروش
هفضل عليه ليوم مماتى
واللى يفكر يوم يغيره
أنا معرفوش
حابة نفسى عشان خالقها هو ربى
حلوة وحشه مش هتفرق
طلاما ربى راضى عنى
طلاما روحى جوا منى
مش هتفرق
بس عارفين كان منايا إيه؟
كان منايا إن لو يوم ذكروا إسمى
كله ينطق بحس واحد
الله عليها دى معجزة
هاهاهاهاهاهاهاهاها
إيه فى إيه؟
كتير عليا إنى أبقى معجزة؟
حلم تافه عند ناس كتيرة مش عارفين مقامه
بس ده مش حلمى وحدى
ده حلم يااااااما من البنات
