ما تحزنيش
محمد ضباشه
ما تحزنيش
لما نتوه في دمعتك
في أزمتك
في حلول ما فيش
نحضن في بعض
من الوجع
علي ما تلاقيش
وعجان بيعجن صبرنا
علي غلبنا
علي ما تساويش
علي ديب ولابد في الدرة
علي هم متشعلق ورا
علي ضيق نفس
ما يهمكيش
فما تزعليش
ولا تحزنيش
لما اللي باقي مننا
يضيع غباوة
وكلنا متمرمغين
في حصير وخيش
يا أم المفهومية
ممكن أطير
وما عندي ريش
ما تفكريش
ويفهمونا بجهلهم
أن اللي بينا
شباب وطيش
أو أكل عيش
لكن الحقيقة الصبر طال
ومن المحال
نرجع للب المشكلة
وحلول ما فيش
فما تزعليش
لو توهنا منك
في السكك
أو ع الدكك
أو حتي
في كتاب وطن
أو في لقمة بايته
في العفن
من غير كفن
وما تساويش
فما تحزنيش
وما تعيطيش
