بقلمي / محمد البنا

" فيلم هابط "
نفس الدور
نفس الفيلم الهابط جدًا
لما مشاعري جرفها النور
لعبت تاني / نفس الدور
ولا فهمتشي إنها دوبلير
وإن الشوق الفاير جدًا
كان عادي جدًا
ولا عدّاش برموشها السور
عاش القلب بكل مشاعره
ونبضه وشعره
وخسر تاني
ما اتعلّمشي ينقي سيناريو
يلعب فيه الدور الجاني
وجاني من تاني مجني عليه
لما البطل الواثق جدًا
ف آخر مشهد
حطه ف قلب الكادر الأبعد
وكمان ثبّت
عين الكاميرا وبس عليه .

تعليق