:::::: عاميه .. لمين يهون ::::::
اه يا بلدى فداكى عمرى .. يوم تطلبينى العمر يهون
اصلى ابنك .. ابن ارضك .. بس ظنك فيا يدوم
فاوعى تنسى انى منك .. الشهامه والشجاعه والشجون
حتى وانتى قاسيه عنى .. قلبى عمره ما يقدر يخون
...
فاوعى تنسى انى منك .. او تسمعى لحد غيرى . انى انا اقدر اخون
وازاى اخونك . وانا عمرى فيكِ . ولمين يهون
اه يا بلدى فداكى عمرى .. يوم تطلبينى العمر يهون
فيكِ اتعب ويجى رزقى .. قبل ما احسب يكون مقسوم
نصه ميه ونصه عيشى ..والباقى منه . كهربه وكمان كمسيون
...
حلمى ابنى بس اعمر .. وازاى اعمر فى الهموم
كل ما اجرى اجرى واجرى .. القى تعبى كرت شحن فى التلفون
وازاى يجينى بكره .. وبكره بيان بالغيوم
...
وازاى يا بلدى فيكِ اعمر .. تدينى ذلى .. بالرشاوى او فى السجون
جلاد بيجلد والجلد علم .. والعلامه شغله فكرى .. زيها زى الديون
حلمى القى ود منك .. اهديكى عمرى . رهن امرك مرهون
اه يا بلدى فداكى عمرى .. يوم تطلبينى العمر يهون
اصلى ابنك .. ابن ارضك .. بس ظنك فيا يدوم
فاوعى تنسى انى منك .. الشهامه والشجاعه والشجون
حتى وانتى قاسيه عنى .. قلبى عمره ما يقدر يخون
...
فاوعى تنسى انى منك .. او تسمعى لحد غيرى . انى انا اقدر اخون
وازاى اخونك . وانا عمرى فيكِ . ولمين يهون
::::: مصطفى جمال :::::
