الحكايه مش كلام
ولاحبر مكتوب ف الورق
الحكايه وجع وألام
وعمر راح منى إتسرق
وإنتى يابلد العجايز
بتموتى فينا الشباب
الكل والله فينا عايز
وإنتى قافله ألف باب
فيكى ملايين العجايب
فيكى مخترع وأديب
بس عنك لسه غايب
هو فيكى عاش غريب
برك الجمل فيكى ونام
صدق من قال المثل
إبن الوز ليه عوام
طب قوليلى إزاى وصل
ليه بس بالإسم الشباب
هما إللى حضروا المؤتمر
هما دول باكلوا كباب
هما إللى طلعوا للقمر
ولا دول الأغنياء
والسلطه ليهم والنفوذ
إختارتم صح ولابغباء
ولابزهر كان جوه كوز
عندى ياشعب مليون مبادره
لكنى ماملكشى القرار
ولادول عمله نادره
وإحنا بنخلل خيار
كل شىء فى مصر باطل
والشعب فيها ياناس فئات
فيها واحد فى الوحل عاطل
والتانى عدا وفات
أنا ضد أى مظاهرات
حتى نزول الميادين
لكن ماينفعشى السكات
وإحنا تحت تراب وطين
إسمعوا ياخلق صوتى
مطلوب أقابل الرئيس
وأقوله لا رافض لموتى
إن شاالله أموت حتى فطيس
====================
الشاعر عيسى عبد الرؤوف عبد الحميد
أعجبني
