قصيدة ((( أمنتُ بالله )))
الشاعر عاطف عمر

رغم البعاد ، رغم الأسي ، بنلاقي حاجه كويسه .

ننفخ فى أربه من بعيد ، نلاقيها لسه مِنفسه .

حتى الحبوب بتاعتنا مرضت ، نلاقيها سودا مسوسه .

حتى اللحوم بعد السوا ....نلاقيها حتة ترمسه .

أصبحنا نهجر الأماكن ، من الصباح حتى المسا.

الفرش فى وسط التراب ، والنوم كمان من غير عشا .

حتى ملابسنا اشتكت ، معدتش هدمه كويسه .

الصبح فول ، والظهر فول ، صبحت حياتنا مجبسه .

وعشانا ..قال حبة زيتون ، ومعها حاجه مقرمشه .

من غير زڤر ، ولا لحوم ، حتى الزيتونه مكرمشه .

رغم البعاد ، رغم الأسي ، بنلاقي حاجه كويسه .

ننفخ فى أربه من بعيد ، نلاقيها لسه منفسه .

بقلمى الشاعر عاطف عمر