شوية امل
*********
شوية امل
على كام سراب
على كبشه
من الاشواق
وعملت كومه
من الحياه
والطرح كان تراب
معجون بالوجع
معرفش ايه العمل
انما اللى بشوفه انى انا
عايش فى الضباب
مستنى نور يوصل
القلب للسكون
ويدفن الاحساس
فى قبر من حديد
يجوز تابوت
من حجر
او حتى حفره
فى السحاب
ويسلم على الحمام
الابيض لما يفوت
وارجع لعود
الناى الحزين
اعزف على شط
الهوى وفى سكوت
وارسم الدمعه
سبحه واعد عليها
ساعات الصبرويا
العشق والامنيات
الى غزلتها فى سكات
لاجل ما اوصل للمراد
والظل فات من
هنا قبل الميعاد
واشتقت الاقى الاحبه
طلع الخيال خاين
وغادر زى الولاد
والفرحه حالفه
ماتورينى وشها
لحد ما العمر
راح والشعر شاب
*****************
بقلم //محمد العليمى///