أيوه صح بعترف
إنى مع كل الغلابه
لكن لايمكن نختلف
ونكون فى يوم زى الديابه
أويضيع منا الأمل
ونرجع ونبكى بالندم
يلا حيا ع العمل
تنبت بذورنا م العدم
خلى الوطن فوق الجميع
وبلاش نكون ليهم سلاح
خليك أمل ف عيون رضيع
مصر محتاجه لكفاح
أوعاك فى يوم تكون شراره
أوعاك تكون للغرب الدليل
أوعاك فى يوم تهدم حضاره
تفقد وطن وتعيش عليل
شايف حراك وسط القهاوى
دول يامصرى مدعومين
أوعاك تكون ع الشر ناوى
تصبح سلاح للملعونين
أصبر وصابر وإحتسب
وأتركها ع المولى القدير
خليك للخير ديماً سبب
خليك لمصر خير السفير
===================
الشاعر عيسى عبد الرؤوف
