مهما فكرت كلمات اسامة فؤاد حنا
مهما فكرت او كنت حاير
انت ع الارض مجرد زاير
وتور مغمى ف ساقية وداير
وف الكون عايش غريب وضيف
ورقة بتدبل وقت الخريف
او بخار يختفى وسحابة صيف
مهما كنت غنى ا ومشهور
لازم ييجى عليك الدور
كل الناس واقفين ف طابور
وف طريق الموت ماشيين
وكاننا فى قطر مسافرين
وعلى ديارنا خلاص راجعين
اوعى الدنيا تغرك وتنسى
وقلبك يفضل يعاند ويقسى
مسيرك للتراب وف قبرك ترسى
ولا هتاخد حاجة معاك
دور على طاقة نور جواك
ده مش هايعيش غير ذكراك
مفيش ف الدنيا شئ يستاهل
انك تعيش ف الدنيا جاهل
وتمشى ف طريق فاكره ساهل
الدنيا عايزة شكر وصبر
مهما تاخدها عافية وجبر
فى النهاية هاينوبك شبر
اوعى تشيل هم لبكره
وخد م الدنيا دايما عبرة
بكره حياتك هتكون ذكرى