( ماأسهل كتابة التفاهات)مهرجان
ياللي انت محفلط شعرك
شعرك مايذود سعرك
لو كان الشعر عزيز
كنا حفظناه في براويز
طب وسع بقى وإتاخر
عشان إحنا شباب م الأخر
لاحنا ولاد بهوات
ولا نلبس كرفتلت
لانحب نبيّن بوكسر
ولا عندنا كلبين بوكسر
إن تعمل فيها جنابك
نديك زغدين ف جنابك
نديك بشويش بشويش
تصرخ وتقول ياشاويش
على مهلك قوي على مهلك
ولا تحب نصدغلك
هتجيلنا بتتحنجل
هنجيلك نتدنجل
نديك على عينك تمشي
عشان إنت مابتحرمشي
إذا كنت ياواد هتحوّر
وهتعمل جن مصوّر
هنقبّح فيك ونشبّح
ترجع ياجميل متعوّر
روح إسأل عنا ياحلو
الست محاسن الحلو
هتقولك بهلوانات
حريفة شقلباظات
وإللي يظيط في الزحمة
إدعيله وإطلبله الرحمة
دا صحيح إللي إختشى مات
بقلم طارق السيد

تعليق