انا الجندي
علي بابك
انا واقف
لخطابك
انا شايف
لحسادك
انا شايف
لحقادك
انا شايف
وعلي بابك
انا واقف
ومش خايف
سلاحي ف ايدي
ومش وحدي
والكل ليكي عيون
وعيونا انتي سكناها
وقلوبنا انتي شيلاها
واهاتنا انتي حاساها
والفرحه انتي شيلاها
ان جعت اشبع من شعاع شمسك
وعطشي ارويه من مياه نيلك
حارس ويحرم عليا انام ليلك
علي بابك
انا واقف
ومش خايف
وكيف اخاف
وانا المصري
وسابق دنيتي وعصري
لو مت يكون خبر حصري
يكون في اول الانباء
الخبرمش خبر واحد مات
ولا خبر واحد استشهد
افرحي يامه ابنك الحارس
ابنك الجندي
اصبح واحد من الاحياء
هيكون في اول الانباء
وانا واقف علي بابك
ومش خايف
انا ابنك الجندي
فولي عبد الغفار
