كاس المر
كاس المر لما يمر
يجر وراه من المر أمر
تشرب منه تعطش أكتر
تشرب أكتر خيط ويكر
حزن وغم وحرقة دم
وليل ونهار بتشيل الهم
تيجي تفلفص منه ماتقدر
تلقى الهم ماراضي يتلم
قالوا الدنيا على دي وديهيا
شهرين مر ويوم عسلية
نفسي أنول يوم هذا اليوم
زي العطشان قوي للمية
ياكاس المر كاره مرك
ربي ينجيني من شرك
ويزيل الطعم إللي ف جوفي
ويبدل بالسكر مرك
سبحانك ربي يارب الكون
ياللي بتأمر كن فيكون
مين غيرك ليا ألجأله يارب
يارازق عبدك فين مايكون
بقلم طارق السيد