تحيا مصر
****
تحيا مصر يا غاليه علينا
انتى اغلى من ضى عنينا
كبير وصغير حواليكى
وبروحنا كمان نفديكى
تحيا مصر ام الدنيا
ومافى زيك بلد تانيه
فى قلوب ولادك حب وطيابه
ومهما اتكاترو عليكى الديابه
تزيد جواهم قوه وصلابه
يحميكى ربى من كل ظالم
ويفضل شعبك امن وسالم
واللى واخدين حبك تجاره
فاكرينها فهلوه فاكرينها شطاره
ربك قادر يفضح قلوبهم
وان شا الله مصيبه يارب تاخدهم
ويحمى ولادك حارسين الحدود
هما دول ياغاليه الاسود
فداكى وحبك راح كام شهيد
فى جنة الخلد يعيش فيها سعيد
تحيا مصر لاخر حياتى
ويقولها ولادى من بعد مماتى
**********
على حافظ