قصيدة ( اللمسة الحنونه )
الشاعر عاطف عمر

لسه فاكر.......
أول لقاء والأبتسامه ...
لمسة اليد الحنونه...
وانت بتودعني ....بتقولي مع السلامه..
كنت انا طاير ساعتها من السعاده..
كنت بتمني الجناح ...لأجل أحلق فى سماءك زى الحمامه.

لسه فاكر.......
أنا ..كل ما أغمض عيوني أحلم بطيفك ..
حتي وانت قدام عيوني بتمني اشوفك...
كنت تخجل ...وأنا ببص في عيونك ...
وأبتسامتك تغلبك ...وتحررك من كل خوفك.
وقتها تأكدت ....اني لك لوحدك ....
وإني عايش لك وبس....ومن أجل راحتك..

لسه فاكر.......
يلي أنفاسك نغم بيشجي الفؤاد..
أيوه تعبني السهر وكتر البعاد...
أيوه قلبي مش راضي بغيرك ...بديل....
بص لعينيك فى المرايا وانت هتلاقي الدليل...

لسه فاكر......
أول لقاء والأبتسامه...
وقتها بالفعل كنت طاير م السعاده.

بقلمي الشاعر عاطف عمر

تعليق