*** بحر الشوق *****************
*************************************************
يا بحر الشوق يا متلون
بلون العشق والحرمان
وشطك مرسى للاوجاع
وجوه ميتك احزان
ده لون العشق ده لونك
واتارى العشق فيك الوان
*****
يا بحر الشوق انا عايم....
ف وسط الموج بلا مجداف
وريس مالى غرام قلبى
بلا اغراص بلا اهداف
واخاف تحدفنى امواجك
ف وسط البحر الاقى جفاف
والاقى اللون بدء يبهت
وفجاه يتقلب شفاف
******
يا بحر الشوق انا عاشق.....
وقلبى غنى ليك مواويل
غملت من الحروف الحان
بترقص على الهوا والميل
دويت الجرح جوه قلوب
كتبت الشعر ف المناديل
*****
يا بحر الشوق انا عاشق.....
نديت ع الفجر صحى النوم
وزرعت الصحكه جوه قلوب
وعملت من الدموع البوم
رسمت الحلم جوه منام
وفارس الحلم له مرسوم
*****
يا بحر الشوق انا عاشق
نسجت من الخيوط الوان
وصورت الغرام صوره
تعيش ملامحها ع الجدران
صحكت الصحكه من قلبى
طرحت من الورود بستان
ولما العشق طال قلبى
لقيت العشق فيك الوان
*******************
بقلم / هناء غنيم

تعليق