قالوا حياتنا نور
ليه بس مش شايف
غرقان فى وسط بحور
ومن بكره أنا خايف
لسه الفقير منحوس
وف عيونه مليون دمعه
بينوروله فانوس
وبيطفوا ميت شمعه
عايشين وبالفواتير
يادنيا معموره
حتى الشهيق وزفير
محسوب فى فاتوره
مطلوب يابلدى نعيش
ويبقه الفقير مستور
ومتقفلشى بفردة شيش
ويروح علينا الدور
حلينا بقه الألغاز
حياتنا ليه معقربه
نطلع من أذمة غاز
تكوينا بالكهربا
ركبنا لمبات لد
وقولنا ماشى أمين
والعداد بيجرى يعد
والله سنينكم طين
أنا زهقت ياناس
وبالغلب فاض الكيل
خلاص مافيش إحساس
سقيتونا والله الويل
======================
الشاعر عيسى عبد الرؤوف
