الشاعر المصري / احمد ابراهيم
♥♥♥♥♥♥♥♥♥
في قصيدة/ ( لملمت فيكي الألم
♥♥♥♥♥♥♥♥♥
~~~~~~~~~~~~~~~~
لملمت فيكي الألم وحلفت لأعدي

واكسر رؤوس العدى

وامسح دموع خدي

بأديه يا طيبه هزرع ربيع وردي

وسلاحي انا ف يدي

يوم العبور ابتدى يوم الأمل وانتي

شيفاني يا طيبه راجل بمية راجل

واقف على جبهتك ف عيوني انا فرحي

قادر أجيب الفجر ليكي يا مصر انتي

لا يهمني صهيون ولا حتي مين بعده

هعلي وهد السور هكسر دماغ أمه

انا ابن ليكي يا مصر وقت الآهات اسدك

ملعون أبو صهيون لو مس توب جسدك

واقف انا راجل حامي حدود وردك

حبيبتي فيكي بقول أصل الكرم اصلك

يا حرة يا طيبه بأديه أجيب شمسك

واغزل نجوم السما وازرع ربيع فرحك

والخط خاف واتهد وفيران عليه بتجري

والرعب فيهم هد والعزم فى ملامحي

حالف يا مصر بجد تعلي كمان تعلي

لما الظلام اتشق هلت شروق شمسي

على ارضك الطيبه فيروز رمال تحكي

أرض الكرم والعرب أرض الجمال بلدي
***************************
بقلم الشاعر المصري / احمد ابراهيم

تعليق