#مرايا
يا ضحكة بتنور ضلمة كهوف وجبال
يا دمعة بتحول دنيتى لأهوال
يا لحن يتغنى .. قبل ما يتقال
إنتى الحقيقة .. وإنتى الخيال
لو أكون معاكى .. الخوف محال
انتى الصديقة .. وانتى الأمان
إنتى اللى بتحللى المكان
وإنتى اللى بتغلى الدنيا
عشان ... باشوفك فيها
وكمان .. حياتى قدرتى
فجأة تغيريها .. وإزاى
سافرتى وسيبتى قلبي يعانى فيها
مش هقولك إنك أجمل شئ حصل لى
أو شاغلنى إيه حصلك
لا هاقولك إنى ما شعرتش
بقوة طول حياتى .. غير عشانك
أو بسببك .. أو عشان مااضعفش
لما أخسر حنانك .. بس بردو
أكيد خسرت كتير بسببك
لأن عقلي تاه في حلم
كبير عشانك
يكفي إنى خسرت قلبك
اللى لو وزنوه في كفة
بردو قلبك إنتى أتقل
قلب كان معجون بعفة
وإن أنا مش ممكن أعقل
طول ما انا مجنون بحبك
ولا دمك اللى كان مليان بخفة
ولا حضنك اللى شالنى كتير ودفي
عايز أقولك إن صوتك
زى موجة بحر هادى
وإن حبك أوكسوجين ساكن فؤادى
إنتى شئ في حياتى غالى
شدنى .. وغيرلى حالى
يا مرايا سرحت فيها كتير ليالى
يا يمامة طايرة في سمايا وخيالي
يا رواية عشتها في أحسن حالاتى
كان منايا إنى أشوفك يوم مراتى
#أحمدعزت