...((لحظة عتاب))...
""""""""""""""""""""
من سكات....
انا عتابى .. على اللى فات
على اللى كان بينا....
على الذكريات....
فاكرة اول ماتقابلنا...
والعيون من غير كلام
وسط السكات..
قالت كلام..
حسيت كانى ملكت قلبك
وبعيونك جاوبتى موافقة
وان انا اصبحت منك..
زى ما انتى حتة منى..
ومن ساعتها .....
سكنتى جوة العين والننى..
الكٌتاب كتبوا عنا...
احلى روايات....
قالوا عنك عمر قلبى..
بدونك انتى قلبى مات.
قالوا انى انا النبض فيكِ..
لو غبت عنك ساعة ...
النبض هايغيب عنك ساعات..
جايا ليا اليوم تقولى ...
الحب مــــــــات....
جايا تقولى انسى اللى فات
والذكريــــــــــات....
ازاى اعيش من غير عنيكِ
ولا لمسة من ايديكِ
ازاى تقولى الحب مات
بصى شوفى دموع عنيا..
والحب اللى صعبان عليا..
قولى ............
ايه حبيتى فيا؟؟؟
قلبى اللى حبك!!
ولا وهم ..وقولتيلى بحبك !!
والنهاردة جاية ليا...
تقولى الحب مـــــات..
الحب مش ممكن يموت..
الحب باقى ........
بس حبك انتى مات..
ماتخافيـــــــــــــش...
انا هانسحب من سكات
بعد ما الحب عندك ..
قولتى انه مـــــــاااات..
*********************
صلاح البرماوى

تعليق