روح الوجع
**********
ياروح الوجع
تروح ماترجعشى
والسكه تايهه
عادت ماتسمعشى
والفكر مشدود الايدين
يجى هنا فى حضنى
ويا الفقر والصبر بمذله
ولا ييبات حزين
ولا يروح ورا حلمه
ويحاول ولومره
ينجى فى سفينتى
والقدر يسيبه
يغرق بمؤامره
ويسيبوه يغرق مع
حلمه مايطلعشى
ويسيب اهله لحزن
ودين مايتسددتشى
يا وجع قلبى على
ضنايا وحتى من دمى
ماتفرحشى
لسه هاسلم البحر
اعز ماعندى
ماتزعلشى
ولحد ما الشمس
تطلع من جديد
ماتصرخشى
الالم على خدى
مايبردشى
ولا سلمت على ولدى
ولا امنت بسلام
مع عدوى ولاهيكون
شافع ولاهاينفعنى
وكل ما اصبر
على خيبتى
اشوف مصيبه
فى مرايتى
ويطالبونى اكتب
غزل فى حبيبتى
اتكسف اوريها
هوايه فى مصيبتى
ياوجع قلبى فى
طول ليلتى
واهات الغلاء
بتهد فى شيبتى
وصبايا بتلعب بغزل
حوالين خيمتى
==========
بقلم///محمد العليمى///