قالولى انت بنت
ع الحب صغيره
البسمه ع الشفايف
و الضحكه منورة
بصيت وقلت حاسبوا
احساسي انى طفله
بضفيرة صغيره
احساسي انى عاشقه
وسمايا منوره
بنجوم تسعد فؤادى
والحنه مظهرة
قررت أتحدى نفسي
واهزم كل يا سي
واعيش انا جوه حلمى
وحياتى معطره
قالولى الدنيا مالها
الغدر ف طبعها
انا قلت مش هتاخد
اكبر من حجمها
أعيش بالفرح عمرى
لو حتى معكره
والحب يدق بابى
واعيش ويا صحابى
بالفرح والهنا
انا شاعره المشاعر
ولا اجدعها شاعر
بكتب وأقول وأعيد
ف كل يوم جديد
لما أكتب ف قصايدى
مفيش ف الدنيا قدى
والناس خليها قاعدة
على طول متحيره
من بنت صغيره
بترسم بالحروف
وتنقش ع الكفوف
قصه حياه ها عيشها
ومفيش اى خوف
وبكره ياما نشوف
البنت الصغيرة
الحلوة السكره
تكتب كل المشاعر
ف قصه مصوره
ومين يقدر يعارض
انا لسه صغيره
