ماتحسبونيش أكمني أعمى
ماتحسبونيش أكمني ضرير
فيه ناس كتير بالعين بتشوف
وناس كتير مالهمش ضمير
_____
عمري انا عشته ظلام ف ظلام
وطريقي زي دقيق في رغيف
كله عجين من مسك كفوف
كله بياكلوا وفاكره خفيف
_____
عشت سنين وعصايتي ف إيدي
كانت ليا أوفى صديق
دام الود ما بينها وبيني
دامت سندي في كل طريق
_____
سبت عصايتي وقلت اتمشى
زي ما كل الناس ماشيين
توهت ف سكة خبط ف عشه
ورجلي كمان لزقت في الطين
_____
حزنت وقلت أرجع من تاني
واتاري السكة خدتني بعيد
رجعت وببكي وبنعي الآمي
من يوم كنت انا فاكره سعيد
_____
رجعت وخدت عصايتي ف حضني
وقلت يارتني ماكنت مشيت
هي حياتي وعمري وسندي
عرفت قيمتها انا بره البيت
خالــــد عبد السلام
أعجبنيعرض مزيد من التفاعلاتتعليق
