...علمينى..........................
.............................................................................................
علمينى انى اترجم
كل نظره من عنيكى
وامنعينى انى اوافق
انى اكون لعبه فى اديكى
واصدمينى يوم ما اعودلك
او يعاود لى حنينى
علمينى انى افرق
بين كلامك بين سكوتك
علمينى اجرى واهرب
لما اطلب يوم اشوفك
حتى لو هناجى طيفك
من خيالك احرمينى
علمينى القسوه يمكن
القى ف القسوه وجودى
وانى اضحك مهما شوفت
دمعى نازل فوق خدودى
ومن قاموسك اشرحيلى
اذاى اعرف فين جدودى
وفوق رصيفك ودعينى
علمينى القسوه يمكن
القى ف القسوه اللى ضاع
علمينى ابعد واسافر
لما اعانى من الخداع
علمينى اقول سلام
لما احس بالضياع
وف غرامك ندمينى
علمينى ابيع غرامى
وقت ما يهل الخريف
واشترى كام قلب عاشق
شرط بس يكون ضعيف
لجل ما احجب يوم هوايه
ف احتياجه ف عز ضيف
لما اسيبك وتسبينى
...........................
بقلم / هناء غنيم

تعليق