بعد الموت
أنا المذنب أنا المعيوب
أنا إللي كلي ذنوب وعيوب
آه ياعيني عليا ياحسرة قلبي
قبل مااموت ملحقتش أتوب
أنا المسكين أنا الغلبان
أنا العاصي أنا الندمان
لاأنا زكيت ولا حجيت
ولا صليت يوم للديان
أنا إللي ظلمت معايا نفسي
لما عملت إللي في نفسي
ياما فتنت صبايا كتير
لما إستحليت رسمة رسمي
فين الأصحاب فين اللمة
فين الطبطبة فين الضمة
مبقاش فيه غير ضمة قبري
ودود بيرعى في عز الضلمة
يادودي ياللي في لحمي بترعى
أنا مكتوب لي أكون لك مرعى
بعد ماكنت أعز الناس
وقت ماكنت الشجرة الفرعة
أه ياخوفي من وعدي في يوم العرض
وجحيم مفيهوش لاسلام ولا برد
مفيش غير بس شجر زقوم
وسلاسل نار وظلال يحموم
نفسي يارب أعود للدنيا
أسجد مااعمل فيها حاجة تانية
وفجأة لقيتني صحيت م النوم
وهاتف بيقوللي مجاش اليوم
بس نصيحة مني ياإنسان
إتقي وإحذر هذا اليوم
بقلم طارق السيد
أعجبني
