** ماعنديش وقت أضيعه *******
كلمات الشاعر الغنائى - عيسى عبدالرؤوف
ماعنديش وقت أضيعه
ولاحتى حبيب أودعه
دللى خد قلبى زمان
إمتى بس يرجعه
خلاص تعبت من الكلام
يكفى عذاب والله حرام
دنا دق قلبى بيقول أهات
بيصرخ ومين هيسمعه
جرحنى مره وقولت أعيش
كداب وقلبه مايساويش
قال جاى يصحى فيا الجراح
مغرور ومين هيمنعه
أقبل وأرضى بالجراح
وأنسى معاه عمرى إللى راح
مع إنى مضمنشى أعيش
وقلبى يمكن يخدعه
وجعنى أه هجره بصحيح
ولاعمره كان مره صريح
وجعنى أه والله كتير
لكن مقدرشى أوجعه
========================
تحياتى الشاعر عيسى عبد الرؤوف
