المهزله
==========
شويه كلام وتريقه
على مسخره
فوقهم صورة
خناقه على مجزره
والام دمعها سايل
على مقبره
والضمير معدوم يا
ناس على مقصله
والشهود بايخه بوش
اصفر وكلامهم نئوره
واللى مات علشان رغيف
شهيد عيونه مدوره
واللى مقتول على الحدود
بغدر صوره منوره
والحرب دايره بين الكبار
بالصبر مره ومره بالمعذره
والكل فاكر انه فاهم اللى
داير وهو اللى دماغه جوهره
والفوضى ماشيه بينا زى
ضلنا وحدوها احسن من مسطره
تقسم قلوبنا بالتمام والكمال
وعارفه طريقها ومتقدره
والفساد لبس الشعب لجام
وحالته رايقه و متحوره
قول يا ترى الشمس لما
غابت كانت عارفه اللى جرى
ولا هيا كمان مستخبيه
فى الظل ورا بيت بمندره
==============
بقلم ///محمد العليمى////

تعليق