رباعيات الأحزان (( أصعب احساس ))
( للحزن في قلبي مكان )
أصعب أحساس .....
لما تحس إنك مش عايش
لما تكون من نفسك خايف
لما جراحك تبقى قوية
لما تذوق المر أسيه
تفضل حاضن حزنك وحدك
والأيام بتلطم فيك
أصعب أحساس ....
لما دموعك تملا عيونك
لما أحلامك يوم بتخونك
لما سنينك تأسي عليك
لما تشوف الموت بعنيك
تفضل تهرب من أيامك
وانت ماسك النار بإيديك
أصعب أحساس ....
لما تموت في اليوم ميت مره
لما تحس حياتك مره
لما الليل بيعدي حزين
لما تدوب أشواق وحنين
تبقى أيام وسنين بتفوت
عايش ميت جوه تابوت
أصعب أحساس ....
كلمات الصدق
فارس الليل الحزين
محمد عطيه محمد
