عفريت
=============
عفريت ابن حرام
مسخ البشر الوان
علمهم الخسه
وخلى جلدهم
افعى بتتلون
ووشوشهم باهته
وضحكتهم محسوبه
بالسنتى وبالمسطره
ومعها ميزان حساس
وعلى اد المصلحه
السنان بتبان
ياجنى يابن المره
ايه اللى جرا
وسرقت الفرحه
ولبست الناس
توب واسع
وشايل من الحزن
والمسخره اكوام
والضحكه زنقوها
فى الشارع
اللى ورا الاحلام
وكتفوا البسمه
فى شجره الاوهام
والفساد سيفه تمام
والرقاب لعباد ربهم
عيدان مسلوله
وبتوطى لاجل رغيف
زى اعواد قش
قمح محروقه
من لسعة الكبريت
والنار بتتسلى
عليك ياجبان
==============
بقلم //محمد العليمى///