بقلمي / محمد البنا

[ دقايق قبل القطر ] ما ينزف
آخر نقطة ف بحر خريف
ويسلّم للشتا أوراقه
كان النبض ساعتها ضعيف
والواد المتشعبط
بين عربات الدرجة التالتة
بيتأرجح
بين رغبة وخوف
مش عارف
إمتى القطر هيوصل
كان دايمًا يحسبها
بالقطر العكس
ولا حس
كم منهم عدّى عليه
مش حاسس بمرور الوقت
قلقان لا رصيف أحلامه
ينطّلي أسفلت
قبل ما يوصل
فميوصلش
الواد المتشعبط
بين عربات الدرجة التالتة
معرفش
إن الصفارة اللي سمعها
كت إنذار
بنهاية الخط !
............................................
ما بين الأقواس جملة للرائع / أيمن هيبه