ما بين التوهه والتوهه
كلام يتقال
ولما الغنوة تتغنا
مع الموال
كلام شاعروله معنى
مع الالحان
وضحكايه لبنوته
كما القمره تحسه كلام
وتلقى الكلمة مرسومة ..
.ومغسولة بندى صوتها
تحس المعنى يلمسنا .
..كأنه حلم ما يفوتها
وبين التوهه والتوهه
انا تايهه ف وسط حروف
ودمع العين مع الاهه
مداد الشوف
مشيت في طريق مجننى
وقلت حبيب يطمنى
وانسى الحزن بجراحه
وادعى عليه ما يوم يجى
وينسانى
واعاند الخوف وخلانه
واعيش الفرحه بمشاعرى
واقول للدنيا مش ممكن
أعيش الذل من تانى
