راسم الأوهام
**************
أنا إللي برسم ع الورق أحلام
وبرسم جنب كل حلم قلبه كمان
ومش قادر اًحقق حلمي
لأجل ماينسعد قلبي
كتير ظلمته معايا
كان قدره ويايا
يشيل همي وآسيا
ماصرخ يوم ولا إشتكي
ولا قال بكفايه عويل وبكي
انا إللي برسم الأحلام
رسمت لقلبي كتير أوهام
إغتالت الأماني والأمال
رسمت له سكه
مع بنت م الحته
أتاريها مش فهماه
مش حباه
كانت كرهاه
وبعد مابيها إتعلق
قالت له
أنا وهم ماتصدق
ماتصدق
إني بدوب في هواك
رجعلي بصرخ ويقول
رسمتيلي كدا السكه
مع بنت من بنات الحته
خادتني من نفسي
توهت معاها
نسيت إسمي
وغيرت فكري
أتاريها كانت وهم
هربت وفاتيتني
من بعد ماقالت لي
أنا كنت سكناك
لكن مانش عشقاك
ولا يوم شغلني هواك
كنت ليا مجرد سكه
أغيظ بيك بنات الحته
لكن في الجد
أنا مش ليك
وشوف لك غيري حد
فكره يوافق فكرك
طبعه يوافق طبعك
يغرق في بحر هواك
لكن انا
أنا مش فهماك
قدري مش وياك
ونصيبي ماهو معاك
وهيا دي كانت حكايتي
أرسم الاحلام
ومن الاوهام
أخدت أنا كفايتي

صفاء عبد ربه