ل Ana Mohammed.
12 ساعة
كلمات / محمد عبد الرحيم
الحنيه يعني بنت
لو حبت حبها ينبوع
مهما عليها مكشر بنت
برضو الحب اساس الجوع
قلب البنت ما ب يشبعش
حبها سيل م التضحيات
وقت الشده قلبها باعش
عُقْد زعلها دا ب خيات
ب كلمه لطيفه تفك العُقْد
تنزل دمعتها بتزغرت
على الخدين زرعاهم ورد
ولا جات مره عليك اتغرت
إنها جميله وناسها اكابر
وانت حبيبها مالاقي غموس
قلبها يبني ومعاك صابر
ولا حبها كان بأي فلوس
هي ازازة مسك وعطر
كتبوا عليها مش للكسر
بيها الفرحه زي الفطر
عيد الصايم او كاالاسْر
اللي فرحت ب فك قيوده
اما ازازتك لو تكسرها
تكسر وطن ف كل حدوده
ارضه م الصعب تحررها
كسر البنت مش بالساهل
مهما الكسر تقول يتْلَحَّم
او يتْجَبَّر عقلك جاهل
اوعى مره انك تتْوَهَّم
إنك راجل وتكسر ضِلعه
تثبت انك مش طرطور
هي برضو راس الولعه؟؟!!
مش ب تعطَّر عود الْ بخور
وممكن برضو تولع حاره
هي تملي زي العود
ايوه البنت مش جباره
بس الكسر شيء مرفوض
اصلها مش مجرد زينه
او عين خضره وشعر حرير
طينة الانثى غير الطينه
دي اللي تحدد أي مصير
ولا كات هي حبة روج
تحلى ف عيونك علشان
قالوا ضلوعها اساسها العوج
ياابني الانثى ديه كيان
متجمع ف شكل البنت
تركيبه نادره هي ف نوعها
لو حبيتها بجد ولنت
تتجنبها ويَّا دموعها
اصل دموعها ما بتنزلش
إلا وقت جرح الروح
وجرح الروح ما بيخزلش
قلب البنت ف عز البوح
لَمَّا حَن بطيبته ليك
ف اول مره ليه حنيت
ياابني نصيحه الله يخليك
كاتش البنت فاظه ف بيت
