بقلمى يوسف ونيس مجلع -- ايطاليا بريشيا
اصدقائى الاحباء فى سلسلة الكلمات الخفيفة كلمة بالعامية بعنوان حب جنان
قلبى حبك حب جنان ------------- لاهيكون ولا كان
لا فى زمان ولا مكان --------- ولا حتى فى الامكان
حب حيرة فى الوجدان -------- نار و غيرة وحرمان
حب مالوش فى الحنان ------- حب مافيهوش الامان
-----------------------------------------------------
اه منى ومن عمايلك --------- يابايعنى وقلبى شايلك
تظلمنى وانا اللى احايلك ---- تهجرنى تلاقينى جايلك
تعذبنى انت بهوايلك ---------- واسميها انا جمايلك
مش باقولك حب جنان ---------- لا هيكون ولا كان
----------------------------------------------------
الامل اللى قلبى حبه --------- عن حلاوته متقوليش
هتجننى لحظة قربه ----------- دا لو بعده مجننيش
ويدوبنى قلبى فى غلبه ------- وتسالنى اقول مفيش
ماهو دا الحب الجنان --------- لا هايكون ولا كان
---------------------------------------------------
استنى تانى و تانى ------- عايش على اللى مضى
لا انا حاسس بزمانى ------ ولاعمرى اللى انقضى
ولا انت حاسس بهوانى ----- ولا بتعطف بالرضى
وافضل اقول حب جنان ------ لا هايكون ولا كان

بقلمى يوسف ونيس مجلع

تعليق