الحمام
شعر / خالد مصطفي
(1)
ثار الحمام علي حراسه
لا همه غازه و لا رصاصه
و لا حتي رنة اجراسه
(2)
نادي الغراب علي حرافيشه
حاربوا عشان بكرة تعيشوا
من بدري ننتف له ريشه
(3)
ثار الحمام علي نخاسه
عد عليه حتي انفاسه
صادر مشاعره و احساسه

(4)
ثار الحمام علي اعلامه
تاجر بجرحه و ألامه
كان للنظام من خدامه
(5)
طار الحمام بجناح ناسه
فرحان بنفسه و حماسه
خلاه يدوب في مزاج كاسه
(6)
و البومة لمت غربانها
جمعت نموسها و دبانها
حالفة ترجع أعفانها
(7)
صادت حمامنا بقناصها
غطت علينا برقاصها
رسمت علينا اخلاصها
(8)
لكن حمامنا كان عالي
لملم دموعه علي الغالي
و النصر دايما للعالي