كْن الحَبِّيبَه الْ ف الجامعه
لساه ب يشَيَّع مراسيله
والبنش التالت جاب دمعه
جَرَّت ألفين جريوا يسيلوا
ومدرج خمسه وسألني
قمراية إس-ا قوللي فين؟
بروزها رمشي ف النني
وعيون الشهدا دول شايفين
مدرج ناصح يغمزلي
ع الركن الغربي ويشاور
سهمين م القلب ويرمزلي
قاعد ويَّانا ب يتحاور
يامحمد إتشها آهو والإم
حرفين ع السهم ب يغنوا
ركن الحبيبه تملي يلم
ويقول تعالولي شوفوا فنه
محمد حافر دواوينه
ف حب القمره ع البنشات
حالف بالحب وب دينه
لَ يعبي البنش م الإتشات
وقاعة الشهدا ب تفضفض
وتحكي قصه للجدران
وحرارة الجو تتخَفَض
ف ابريل ومايو دي علشان
هايم والركن كان شاهد
ف النور الدري اللي يلخبط
والقلب يدق ويتناهد
والقلم ف رسمها ب يشَخْبط
ما عارفشي يرسم ملامحها
والسن ب يبكي م الحيره
البت جَنَّتْني ومسامحها
على عرش القلب دي اميره
إنسية والشكل ملايكي
ولا زيها شافوا البنى آدمين
ومهما اوصفها انا واحكي
ف الوصف هاخد ياما سنين
دا عيونها تخَدِر من بصه
رُكن الحَبِّيبَه والجامعه
لسه ب يحكيلهم ف القصه
ع النور والقمره الْ كات لامعه
والبنش ب صوته ومدرج
زعقوا وعاتبوا البوابه
رُ كن الحَبِّيبَه مش محَرَّج!!
تخرجشي والعشق صبابه
الجامعه تبكي وسكاشنها
قاف العُشَّاق آهي زعلانه
لا طايقه لامها ولا شينها
وايامنا دي راحت ويَّانا

#محمد