ليه ياقلبي
ياقلبي قلبه باع هواك
باع وحتى ماأشتراك
بدقتين
ياقابي بحّر إفرد شراعك
مستني إيه بعد أما باعك
باع السنين
باع الحنان باع الأمان
باع إللي بينا من زمان
باعه ببلاش
ياقلبي كنت بتعذره
وتسامحه بعد ماتنذره
آهو راح ماجاش
ليه خضوعك ليه خنوعك
يلا بينا إفرد قلوعك
وإطوي ذلك
دا لو قمر كان في السما
سمع الكلام دا كان إترمى
من فوق نزل لك
ياقلبي يلا كدا آن آوانك
يلا نرحل إزاي هوانك
يهون عليك
ياقلبي سيبك دا مش نصيبك
ولا أنت عبده ولاهو سيدك
أبوس إديك
لملم أنينك ويا الأهات
خلاص ياقلبي دا قلبه مات
وأخد عزاه
هتقوللي طب والذكريات
هقوللك إنسى كل إللي فات
يحرم لقاه
بقلم طارق السيد