( إحكي عن الام )
ولما تذكر اللي شالوا الهم
فلازم تحكي عن الام
عن الشدة وجرحها
عن الضحكة اللي في عيونها
بتداري بيها اوجعها
عن الابن اللي غاب عنها
وهيا بتبكي مطرحها
عن الدمعة اللي سكنها
عشان شافتك بحزن شديد
عن الفرحة اللي فرقتها
عشان شايفه حلم ابن شريد
فخلي الضحكة عنوانها
وخلي حزنها يكون عيد
دا هيا الحب والطيبة
وهيا الاصل والمبدء
فكون ليها سند في الدنيا
وحلمك اللي بيه تبدء

#عبدالرحمن_المصري