*************
كان نفسى
*******
كان نفسى القى خيرك
يبقى لولادك مش لغيرك
للى زارع واللى قالع
واللى بيكنس فى الشوراع
واللى شغال فى المصانع
واللى شقيان ع الرصيف
لاجل ما يلاقى الرغيف
للى سافر وعاش متغرب
وكان نفسه من حضنك يقرب
للحضن خوفه معاه
والارض كانت فرشه
والسما كانت غطاه
للى سهروا ع الحدود
وعاهدوا وصانوا العهود
وقت الشده كانوا اسود
*******
كان نفسى
حاجات كتير
للصغير والكبير
للغنى وللفقير
والغفير والوزير
كان نفسى
القى فيهم حب الخير
معجونه مع حبة ضمير
كات تتغير حاجات كتير
********
كان نفسى
ما نمدش ايدينا
لاجل ما ناخد المعونه
اه من دى معونه
اللى بيها بيذلونا
ويهنونا
ويطلعو عين ابونا
مش م الحب بيدو هالنا
دا الود يبيدونا
وقبل منا كمان عيالنا
من امتى كان فيهم حب لينا
والتاريخ شاهد علينا
ولو سالت رمل سينا
فاكرين والا خلاص نسينا
كان نفسى .... كان نفسى
*********
على حافظ
