آه ياليل
وحداني ياليل وحداني
والوحدة ياليل قتلاني
والظلمة في كل مكان.
أخرتها معاك إيه ياليل
ماخلاص كده طفح الكيل
من ظلم بني الإنسان
ياليل إسود وغطيس
ياليل كل المتاعيس
طولت ياليل كدا ليه
كل لما أقيد فوانيس
تكون لي ف ليلي ونيس
يطفوها ولاد الإيه
سلامات سلامات سلامات
ياولاد ستين بهوات
سلامات ياولاد الإيه
يافيران بارمين شنبات
عايزينا نكون أموات
قولوا موتنا يفيدكوا بإيه
وإنتم واكلين قوتنا
فلنفرض إننا موتنا
راح تطفحوا أنتم إيه
سيبونا عايشين علشانكو
علشان لو حظكو خانكوا
تلاقوا حد تقرقضوا فيه
بقلم طارق السيد