(الخراب المستعجل)
ياخرابي المستعجل
مستعجل قوي على إيه
لاأنا كنت ف يوم سي لفندي
ولا كنت سعادة البيه
ماهي خربانة م الأول
من يوم ما الفقر إتغوّل
وغرز أنيابه قوي فيا
خفش زي الخفاش
مص في دمي مخلاش
خلّص بنيابه عليا
ياخرابي أنا أصلا فقري
ليه حاطط نقرك من نقري
ماتسيبني في حالي شوية
ولا عشان ياخرابي
بتستمتع بعذابي
تجيب وتحط عليا
ريح نفسك ياخرابي
وماتدقش على بابي
أنا زمني قايم بالواجب
الصبح بيفطر بيا
والظهر بيتغدابي
وياريت ياخرابي دا عاجب
كفاية خراب ياخرابي
أنا شبت في عز شبابي
ونخر الهم عظامي
ياخرابي يابحر المر
إمتى أرسى أنا على بر
مش شايف أنا قدامي
غير أمواجك العالية
متلاحقة ومتوالية
وما بين كر و فر
إتاخر حبة إتاخر
ياخرابي وهات م الآخر
فيه إيه م المر أمر
بقلم طارق السيد
