عالم الحيوان
تعبان برّي قال إمشي إنجرّي
يابت وليني أحسن تنضرّي
قالت بدموعها إرحمني ياعمو
ألقاها أرضاً بخ في سمه
,,,,,,,,,,,,,,,,,,,,,,,,,,,,,,,,
كلب وهوهو يوم على سيده
من قسوة قلبه وتعذيبه
يوماتي بيضرب فيه ويهينه
نط الكلب وعضه في إيده
,,,,,,,,,,,,,,,,,,,,,,,,,,,,,,,,
سبع غضنفر مكسور نابه
ومكسور ضلعه في عز شبابه
والنسانيس نطه على كتافه
وبرزالتها تذيد في عذابه
,,,,,,,,,,,,,,,,,,,,,,,,,,,,,,,
فرخة بدارة بكل جسارة
وقفت ضد الديك وقالتله
ياديك العشة يابو عضام هشة
يانافش ريشك وسط الحارة
أكلت غدانا وجينا نتعشى
أكلت عشانا فاكرها شطارة
يكسر ضهر الجمل القشة
لما يكون الحمل تقيل
إسمع مني نصيحة ياديك
وإهدى علينا الله يهديك
وإستغفر ربك صبح وليل
وصلي على اللي هيشفع فيك
بقلم طارق السيد