ماتعَوِدتّش
أوعى تفَكَّر يوم نِتصَالِح
ماتعَوِدتّش إنّى أسَامِح
جَرْحَك لِسّه ساكِن فِيّا
وكَأنّه كَان لِسّه امْبَارِح
أوعى تفَكّر دمعَك يعنِى
هاينّسينِى اللّى بِيوجَعنِىِ
كِلمه أخيرَه لِيك واسمَعنِى
طَعم السكر مِنّك مَالِح
أوعى تفكّر يوم نِتصَالِح
ماتعّوِدتّش إنّى أسَامِح
جَرحَك فِيّا لِسّه بِينَازِع
أنا مش عاوِز تانى مَواجِع
قلبك سابنِى تايه ضَايع
ماشِى ف سِكّه مالها ملامِح
أوعى تفكّر يوم نِتصَالِح
أوعَى تفَكّر هارجَع تانِى
أبكِى بِدمعِى مع أحزَانى
أنامش هاسمَح لِيكَ ياأنَانِى
تِشغِل تَانى عقلِى السَارِح
أوعى تفكّر يوم نِتصَالِح
ماتعَوِدتِّش إنّى أسَامِح
بقلم / سيد عبدالوهاب
