في مرة مشيت طوالى
قدامى طموح وآمال
مش عارف إيه اللى جرالي
أتاريها السكة شمال
قررت بإنى أرفرف
وأطلع بالحلم لفوق
م انا لما أطير هتصرف
ومن اللى أنا فيه راح أفوق
وهشوف النور قدامى
لو صاحى أو في منامى
م انا طول م انا تحت هفكر
وبغيري البال مشغول
لكن لو طيرت هسيطر
أحلام وآمال راح أنول
وهفكر ليه وأتحير
ما أنفذ جزء صغير
وهلاقي الحلم يقرب
وكفاية بإنى هاجرب
وأشوفنى في مرة إيجابي
وأخفف عنى عذابي
وأعيش فرحان بحياتى
ولا حد يحس آهاتى
ويحس بنور خطواتى
كل اللى إتمنى نجاحى
وأكتر من أفراحى
وأعوم في الموج العالى
وأكره كسلي وإهمالى
ويعدى طموحى خيالي
وأوصل للدرجة الأولى
وأعمل حاجة مش معقولة
وأحقق حلم باشوفه
من وأنا لسة ف سنة أولى
اكتب تعليقًا...