نفسك ف إيه ..؟؟
بقلمي/عادل محمود ...
بتتمني إيه ..؟
أكتر من قلب .. يحس بيكي ..
وتحسي بيه ..
نفسك ف إيه ..؟
أكتر من قلب .. يديكي حب ..
عشتي عمرك تتمنيه ..
عيزاه وسيم ..؟
ممكن وسامته .. تبقى ف شهامته
وتحسي ف رجولته
بأمان ياما حلمتي بيه ..
عيزاه غني ..؟
بكرمه ف حبه .. هيحطك ف قلبه
ويبقى كنز تتحسدي عليه
أدامك كل ما تتمنيه ..
زهور قلبي وعمري .. بقدمها ف بوكيه
وقلبي مالوش أماني ..
غير إنك تقبليه ..
أصلي بصراحة .. غرقاااان ف حبك ..
ولا شايف حاجة .. إلا صورتك ..
هو أنا لو طلبت قربك ..
ممكن تردي تقوليلي إيه ؟؟؟
بس انتي قولي ..
نفسك ف إيه ..؟؟
وحياة ربنا ..
هموت عليه ..
طب إيه ..؟؟؟