ارجوك بلاش
**************
لسه ناوي علي الرحيل
تاني
أرجوك بلاش
مستحيل
ليه تسبني لوحدتي
مين يواسي غربتي
ويهدي فيا حدتي
أرجوك بلاش
بلاش تقول كلام كتير
ماعليه أبداً دليل
وتصدقه وتعيش ذليل
إزاي لغيرك يوم أكون
لالا مستحيل
لوحتي نهاية الكون
بلاش تقلب في إللي راح
وتحيي من تاني الجراح
داحنا بينا حاجات كتير
وإنتَ جي تقول الرحيل
مستحيل تسيبني لوحدتي
في ظلمة الليل الطويل
اناجي عذابي في دنيتي
وكلام مشين من عويل
والديابه تملي سكتي
ماإنتَ عارف عايزه إيه
عايزه تنهش جتيتي
وانت جي تقول الرحيل
لا لا مستحيل
بحق كل حلم حلمناه
ورسمناه سوا وحققناه
بحق مشوارنا الطويل
وشيب السنين
ماتسيبني وترحل بعيد
وتقول معاكي مش سعيد
بلاش تقول الرحيل
صفاء عبدربه
