+7تمت إضافة
قصيده بعنوان *** اعذرونى ***
كلماتى
الشاعر نبيل محمد أمين
اعذرونى
بصراحه قربت اتشل
وجبينى بالعرق انبل
فى العيشه
اللى ملهاش حل
تكتب على الغم تلقيه موزون
ان كنت فقير او حتى م الاعيان
يقولو اصبر صبرنا
وقربت تأوينا الاكفان
حاسس انى ماشى مكسور ضهرى
والعذاب والالم عمال يعد من عمرى
وللا يطهق ف الايام دى
واحد مش فاهم اى حاجه عملك فيها وطنى
لو بأيدى احبسك واعملك اعتقال رسمى
هى كده لا عاد فيها خير ولا اسمك ولا اسمى
وربنا يستر علينا ليكونو سمعنى
كفايه عليا ساعه وفاتى هيقولوا كان مصرى
عايز افرح زى ما شايف غيرى ماشى فرحان
فرحان بايه يا عبيط انا حاسس انك منهان
زعلان منى طب احلفلى انك بتبات شبعان
مش ناقصه ضياع والكل ماشى ف توهان
فيه اللى بيفكر ف بكره
وفيه اللى بيفكر فى اكل بقرة
وفيه اللى بيدور على بكره
يرفع بيها الأموال
وفيه اللى مش لاقى
وفيه اللى مش راضى
وفيه اللى ماشى حافى
الناس تقول عليه مهبول
اخر كلامى بدعى ربنا المتعال
ان الكل ينساه الجشع ويبقا عال العال
ولا حد يحتاج ان شالله لابنه
لو حتا كان بسؤال
