سلطان الطرب
تعبت شوية كشفوا عليا
وقالوا مبروك جالك جلطة
ميعرفوش إن السبب هيا
ودا جرح في قلبي مش جلطة
دي كانت قاسية أوي عليا
ضربني بقلبي مية بلطة
أطبة إيه ؟ أنا طبيب قلبي
أطبة ما فيش دا كله أونطة
دخلت ماشي على رجلية
طلعت مسند
وماسك علاجي في شنطة
دا مش دكتور !
دا بس آخد لقب دكتور
لكنه في النهاية ثور
وفي حياتي طفى النور
وقالوا إني أنا محتاج له
علشان اسمة كتير مشهور
أنا قلت يروح بألف داهية
ومن ميدان الطب يغور
دا راجل على مريضه يلف ويدور
هشوف غيره ومع غيره
يا رب أكون مسرور
وانا راضي بقدر ربي
وعلى قدري أكون له صبور
وربي بالقلوب عالم
ما يرضى لعبده يكون مكسور
يا رب أنت بي عالم
لفضلك في كل شيء مشكور .........
..بقلم.محمود فرج
