كتير عدى على قلبي
لكن في ألقلب ما علمش
كتير على القلب لو تعرف
طريق الحب مايكملش
عضام الوحده في حضنى
خناجر من وتد في ضلوع
تشب الروح تقول خدنى
أدوك دغرى في الموضوع
وصاحب ليل قبيح أخرس
عديم الضى نوره عقيم
ونجم حلنجى أو أبرس
عبوس الوجه كله دميم
وشخبط روحي على الحيطا
وشوش كالحه و منحنيات
وشد حزامى م الحيطه
لآخر كدبه في الحكايات
بأني فلاتى ومدوب بنات الكون
سعيد فعلى
عشان فعلي ده كان في سكون
يا فارش قلبي
حزن وظنون
فنون العشق بجهالها
أقرب خطوة ألقاها
في نفسي نفور
أرد الخطوة للضلمه
بكره النور
وأصحاب ليل قبيح أخرس
عديم الضي نوره عقيم
ونجم حلنجى أو أبرس
عبوس الوجه كله دميم
واشخبط روحي على الحيطا
وشوش كالحه ومنحنيات
وأشد حزامى فوق قلبي
وسجل قلبي م الأموات
‫#‏عادل_عوف‬

تعليق