يا قلبى مين علمك
كسرة المظلوم
يا عيونى مين عرفك
دمعة المحروم
فاكر ومش ناسى
ياليل طويل قاسى
ماشفت فيك النوم
يا شمعه وطفيتك
يا سكه ومشيتك
والخطوه فيكى يوم
يا فراغ ملوش حدود
يا دمعه على الخدود
يا قسمه ونصيب مقسوم
أنا لسه مستنى
والدور بعيد عنى
واللى انكتب محتوم
صفحه وللا اتنين
فى آخر الكتاب تايهين
فيهم طريق مرسوم
شمال وللا يمين
بيودى كدا على فين
دا كلو مش معلوم
حدوته ملهاش نهايه
حكيوها ناس ويايه
ليه بترمى عليه اللوم
مش قاسى أنا وجاحد
ولا ترتيبى آخر واحد
فيه منى كدا بالكوم
لو بيزعلك حزنى
إغفرلى واعذرنى
فى بحر الألم وبعوم
منير خاطر
