(( ظالم ))

بقالنا أد إيه
مابنكلمش بعض
وفات أد إيه
ولا بنشوفش بعض

قدرتي علي كده
وبرده قدرت أنا
ظالم.. بقي الهوي
ولا بنظلم في بعض..!!

بتعدي علينا الليالي
وعنادنا مسيطر علينا
لا برجع..
عن اللي في دماغي
ولا هي بتسأل فينا

ياويلنا من قلوبنا
لما يملاها الجراح
وتدور ع الأطبه
ويكون آوانهم راح

نرجع والندم مالينا
ولا تنفعنا الدموع
ويكون عنادنا فينا
هزمنا.. ولافيش رجوع

ونخسر كل حاجه
ويضيع مابينا الود
وبراحه بكل هداوه
تروح ريحة الورد

ظالم..بقي الهوي
ولا بنظلم في بعض..

ماهر البساطي..